好工人要keep! 媽媽新年前突然中風變得行動不便, 坦白講, 當時真係有啲不知所措!仲記得將要出院嘅時,要去張羅所有嘅物品,輪椅,拐杖,廁所板...雖然係一額汗, 但完來去買物資係最容易!
一諗起媽媽以後要長期要人照顧, 但自己又要返工, 準備媽媽返屋企前最重要即係要搵到人幫手睇住媽咪! 即刻跑去外傭公司搵姐姐幫手, 但又碰上新年, 可以選擇嘅姐姐就真係唔多, 係冇得揀嘅情況之下我哋就幫媽媽揀咗第一個姐姐 唔使一陣大家就不歡而散..尋尋覓覓終於搵到阿Ka. 作好有經驗照顧老人家, 煮嘢食, 沖涼,換片, 復康運動佢好多嘢都識, 簡直係天使一樣, 我哋兄弟姊妹都鬆一口氣. 阿Ka 就係咁同我哋照顧情況每況愈下嘅媽媽. 當我哋諗住一齊都好順利嘅時候, 佢有一日扶起臥床嘅媽時就扭親條腰... 佢受傷時, 我哋幾姊妹去輪流照顧媽媽就發現, 雖然佢個仔唔大但係每日婦女婦去其實都係一件有難度要有技巧嘅工作, 我哋各人都發現條腰真係有啲難負荷! 可能想像阿Ka每日都係要咁做, 佢身體其實係點! 我去問佢其實有咩嘢可以幫佢, 佢就堅持一切ok. 我哋幾姊妹喺度諗呢個工人咁好一定要keep住. 雖然佢口口聲聲話佢ok, 我哋都係要諗一諗點樣令到佢工作可以舒服啲. 去請教僱傭公司, 原來有啲工具可以幫手減輕抱扶嘅負荷同方便移動媽媽去輪椅同梳化, 二話不說立即刻決定買! 因為工人已經難求, 何況係好工人更難求! 佢對媽媽咁好, 係時候到我哋出多分力令佢工作更安全便捷!係時候幫我哋自己製造更多令佢留低繼續幫手嘅理由 真心, 好工人要 keep! |
唔好用死力, 唔係嘅話有十條腰都唔夠用 爸爸嚟緊生日已經係84歲啦!我都好感恩佢可以健康幸福咁睇住我同妹妹嘅成長,再睇住妹妹嘅子女成長!
爸爸係一個好健談嘅人,好多朋友,所以佢好鍾意周圍走! 雖然佢講嘢仲係好精靈,但明顯佢嘅身體已經一日一日咁樣衰老.....稍肥嘅身形令到佢嘅行動開始越嚟越冇咁方便,膝頭背脊痛同冇力,所以開始俾佢用輪椅出入會比較好啲!我就好乖咁,暫時唔做嘢全職睇住佢!買咗一部電動輪椅俾佢,而家我可以陪佢去下街! 問題嚟喇…. 花錢買輪椅好簡單,但係每日扶佢上落輪椅原來好吃力!老爸已經好合作,佢扶住我隻手慢慢轉身過輪椅又或者上車, 睇嚟好容易, 但我呢就要紮行個馬先夠力扶起佢。唔係講少, 我條腰同背脊真係攰到一個點,同時開始有啲痛。最終我自己要走去睇醫生。 醫生話我用錯死力, 姿勢又唔啱,有冇工具幫到自己呀? 要搬一個比自己重嘅人點會咁容易,而家輪到我要去做物理治療啦!不過醫生話,一陣如果爸爸一時企唔穩問題就更大!所以佢介紹咗我用一條移動腰封同轉移墊。腰封極有用! 帶喺爸爸腰度,一來就梗係俾我用嚟扶穩借力, 尤其重要嘅就係要減低爸爸企唔穩跌倒嗰陣時,我就可以拉住佢,嗌返住我咁佢就唔會跌底。因為如果佢跌倒就真係大鑊!真係要多謝醫生推介! |
|